يا مصرى اطلع بالمعلوم

يا مصرى اطلع بالمعلوم


مسكين هذا

معلوم

يا زمن اللامنطق

يا زمن مشئوم

من لم يمت غيظا

مات بالسموم

بهواء مشموم

بشربة ماء

بطعام بالهرمون

أو حتى بالطعوم

مجنون هذا

نعم هذا مجنون

مسكين هذا

معلوم

تمشى جنب الحيطة

تمشى جوا الحيطة

هنجرك من القفا

ونفضحك بأحلى زيطة

و تنسى اسمك المعلوم

و تعشق الجفا

و تغرق فى الهموم

و يمكن يبقى عندك حق

لو تهج قبل ما تطق

و لا تحط راسك فى الشق

و تفتكر هنسيبك

هنمسك تلابيبك

و مهما تروح هنجيبك

و نطلع زرابينك

و يلا يا مصرى

اطلع بالمعلوم

و مجنون هذا

معلوم

نعم هذا مجنون

و هاتك يا ضرايب

دا أحنا حبايب

فى الصبح و المسا

لغاية متشق الهدوم

عريان

لكن عندك بيت

و يساوى مليون

اطلع بالمعلوم

يا مصرى

حتى لو بتاكل دبش

أنت كنز

مبيخلصش

محسوبك مبيزهقش

حتى لو مت بالديون

الورثة يدفعوا

حتى آخر معلوم

مجنون هذا

معلوم

نعم هذا مجنون