رسالة الى من سبوا أم المؤمنين

و قالت شهرزاد

مرة واحد شيخ

و مش كل الشيوخ شيوخ

ممكن تلاقى فى البلاد

فى شيوخ مسوخ

آه يا دنيا معوجة

كل حاجة مقلوبة

مش كل الأبيض أبيض

فى أبيض قلبه سواد

قولى يا شهرزاد

قبل ما يفوت الميعاد

اسمعوا يا بنات

اسمعوا يا ولاد

مرة واحد شيخ

و مش كل الشيوخ شيوخ

فى شيوخ مسوخ

تسمع حكايته تدوخ

يطلع على المنبر

و يهاتى و يقول

تفتكره ملاك

تفتكره رسول

ويعمل العكس على طول

و هاتك يا تلبيخ

و موسى

يطلع غول

و يدخل كتاب الحواديت

و يسكن التوابيت

ويقوم فى نص الليل

عاوز أشرب دم

مش عاوز طبيخ

و تقول شهرزاد

مرة واحد شيخ

ومش كل الشيوخ شيوخ

فى شيوخ مسوخ

وعجبى