السؤال الغبى الثالث: كفاية عجول؟

السؤال الغبى الثالث:
كفاية عجول ؟

يا ساكن القرية الذكية
مازال عندى أسئلة غبية
عن التعليم
شيء مش معقول
حدث و لا حرج
يتخرج الحمار
وينتظر الفرج
لا تربية و لا تعليم
أسمح لى
أنتم بتغذوا العقول
ولا بتسمنوا العجول
و العجل جنب العجل
مستنيين
عشرين سنة فى التليين
ولو حصل غلطة
و البيه اشتغل
دوغرى على المعاش علطول
قبل ما تحمض يا جميل
و سلملى على العجول
مش قادر أخبى
عاوز أقول
كفاية علينا بقى
الزريبة مش ناقصة
حتى الخصاوى
كره الفول
و خدلك يلا ساتر
أصل تاخد رفسة
و أنا مش مسئول
يا ساكن القرية الذكية
ما زال للحديث بقية
ان كان فى العمر بقية