كابتن بلوظه

أنا ماكنتش هتكلم في الموضوع ده لانني لم أرى التعليق على المباراه لانقطاع الكهرباء وطبعا انتم عارفين السبب.
لكن في اعادة التعليق تاني يوم شاهدت على قناة الأهلي أغنية الواد قلبه بيوجعه وبعض المشاهد المثيره لجماهير الاسماعيلي ولكن ماعلينا أنا قلت ماليش دعوه ولكنني فوجئت بتعليق كابتن بلوظه (عبقرينو الرايه سابقا) بأنه يبرر عدم احتساب الحكم لهدف الاسماعيلي الصحيح 100%بأن الحكم صفر قبل مالاعب الاسماعيلي يحرز الهدف لأن أحد لاعبي الاسماعيلي دفع حارس المرمى العظيم (ربنا يخليه للأهلي) .
عندي احساس أنه نسى انه بيعلق على ماتش الاسماعيلي والأهلى وافتكر أنه بيعلق على هدف الأهلي غير الصحيح في الجيش .
أنت خايف ياكابتن على كم ملطوش اللي بتاخدهم من قناة الأهلي ولا هم جايبينك لللتبرير في صالح الأهلي دائما ولا الاستفاده من أرائك التحكيميه ياكابتن عيب قوي ولو استمريت مع قناة الأهلي يبقا فيه حاجه غلط والا هم عاوزين كده.