البرغوت الفضائى وصل يا رجالة

يا ساكن القرية الذكية
اسمح لى بسؤال آخر
من الأسئلة الغبية
الناس لما تسافر
بيركبوا أيه؟
ليموزين
غلط
بيركبوا الرجلين
أو البرغوت الفضائى
التكتك المتين
و أوعى وشك
وسد الودان الاتنين
بالبرغوت الفضائى
هنلعب أتارى
و القيادة متاحة
لكل مفطوم من الرضاعة
و ممنوع تمشى بالراحة
أصل تبقى وقاحة
ودوس اللى فى الساحة
و أبقى قابلنى
لو وصلت بالسلامة
و هربت من الكمين
و نزلت كامل سليم
من التكتك المتين
البرغوت الفضائى
و تنتقل يا مسكين
على التابوت الطائر
ميكروباسى القاسى
و مفيش أحلى من كده تابوت
أدخل و أتحشر و فوت
و سمعنا أحلى سكوت
هنفسحك بين الحفر
و مطبات تشيلك
و مطبات تحطك
بندلعك يا كتكوت
و تنزل بالسلام
و كأنك مضروب ألف نبوت
و يا حرام
المصرى الصابر الأمين
هيكمل رحلة العذاب
و يركب قطار الأحلام
و يغنى أهواك
ما أحلى الأوهام
لوز لقيت كرسى سليم
أو حتى شباك
تشترى أمشاط
تشترى فلايات
أوعى تكون عاوز تنام
الرحلة يدوبك أيام
و نوصلك لباخرة الأعماق
أفخر أنواع الخردة المضروبة
فشر تلاقيها
فى أى مكان بالدنيا
و نعلق علم كوبا
أصل الأرض كروية
و الدنيا مقلوبة
و القبطان عبده الغرقان
اختار يا محترم
عاوز تغرق فى أى مكان
مياه ضحلة
بين أطنان بواخر الخردة
و لا وسط شعب المرجان
و متقلقش علينا
هزوغ أنا و الطاقم
أما صاحب الخردةهيطير للندن و لا اليابان
و ابقى قابلنى
يا غلبان
لو حد قفشنى فى قضية
و سلامى لساكن القرية الذكية
و ما زال للحديث بقية
يا ساكن القرية الذكية
ان كان فى العمر بقية